Qaraciyərin vəziyyətini yaxşılaşdırmaq üçün 10 sadə məsləhət

Qaraciyərin vəziyyətini yaxşılaşdırmaq üçün 10 sadə məsləhət

20 Noyabr 09:52
92
Bəyəndim (1) Bəyənmədim (0)

Alkoqol, yağlı qida və ya dərmanlar qaraciyərə zərər vurduğu halda, bir neçə sadə məsləhət onun sağalmasına kömək edir.

Oxumeni.az “MedikForum” portalına istinadən orqanın vəziyyətinin yaxşılaşdırılması üçün bir neçə sadə üsulu təqdim edir:

Mümkün qədər tez-tez təzə məhsullar yemək. “Fast-food” mətbəxinin hazır yeməkləri və yarımfabrikatların tərkibində qaraciyərin işini ağırlaşdıran çoxlu yağ və şəkər var. Bu cür məhsulların əvəzinə təzə, emal edilməmiş inqrediyentlərə üstünlük vermək lazımdır. Bu, qaraciyəri qoruyur.

Alkoqol qəbuluna nəzarət etmək. Spirtli içki – qaraciyərin bir nömrəli düşmənidir, ona görə də ondan imtina etmək orqanın detoksasiyası üçün ən yaxşı addımdır. Məlumdur ki, alkoqol qaraciyər hüceyrələrini məhv edir, piylənməyə gətirib çıxarır və bu da qaraciyər serrozu ilə nəticələnir.

Su və ot çayları içmək. Bu cür vərdiş qaraciyərin təmizlənmə funksiyasını dəstəkləyir, orqana potensial toksik komponentlərdən sürətlə azad olmağa kömək edir. Qaraciyərin detoksasiyasına su, zəfəran, nanə, zəncirotu və alaqanqallı çay da yardımçı olur.

Qidanı sakit şəraitdə qəbul etmək. Stres və təlaş içində, ayaq üstə və ya sükan arxasında qida qəbulu həzm prosesini pozur, daha çox yeməyə səbəb olur, mədə və qaraciyəri həddindən artıq yükləyir. Həqiqətən də ac olanda yeyin və doyduğunuz halda dayanın. Qidanı tələsmədən sakit şəraitdə qəbul edin.

Doyumlu və ağır desertlərə can atmayın. Bu cür qidada yağ və şəkərin bolluğu qaraciyərin işini çətinləşdirir, ona görə də doyumlu və ağır desertləri hər gün yemək lazım deyil. Bunun əvəzinə tez-tez təzə meyvələrlə yağsız təbii yoqurt qəbul etmək daha doğrudur.

Dərmanlardan düzgün istifadə etmək. Yalnız həqiqətən də vacib və həkim tərəfindən yazılan dərmanları qəbul edin. Bir çox medikamentlər qaraciyəri zədələmək xüsusiyyətinə malikdir.

Siqaretdən imtina etmək. Qaraciyər hüceyrələrinin dağılmasına təkcə alkoqol səbəb olmur. Nikotinin də qaraciyərə ciddi zərbə vurması çox adama məlum deyil. Onun vəziyyətini yaxşılaşdırmaq istəyirsinizsə, siqareti atın.

Yetərincə yatmaq. Sağlam yuxu qaraciyər daxil olmaqla, bütün orqanizmdə reqenerasiya proseslərini stimulə edir.

Toksinlərdən qaçmaq. Ətraf mühitin toksinləri tez-tez özümüz də bilmədən qidaya nüfuz edir. Qaraciyərin ən pis düşmənlərindən biri kif göbələkləridir. Çörək və digər məhsullarda cüzi belə kif izi gördükdə, onları yeməyin.

Müayinə olunmaq. Qaraciyərin nə dərəcədə sağlam olmasını adi qan analizi verməklə yoxlamaq olar. Hər il qan analizi vermək 35 yaşdan yuxarı olan bütün insanlar üçün faydalıdır.

© Materiallardan istifadə edərkən hiperlinklə istinad olunmalıdır

Şahid olduğunuz hadisələrin video və ya fotosunu çəkərək bizə göndərin:
(055)7717799(Whatsapp)