Ramazanda nə olar, nə olmaz?
1. Dodaq boyası orucu pozur?
Xeyr, dodaq boyası orucu pozmur.
Amma diqqətli olmaq gərəkdir. Belə ki, bəzən boya ağız suyuna qarışıb boğazdan
daxilə gedə bilər ki, bu da həmin günün orucunun batil olmasına səbəb olar.
2. Müalicə
məqsədilə tibbi sistem qoşdurmaq olar?
Zəifliyin aradan qaldırılması, yaxud müalicə
məqsədilə qoşulan sistemlər gündəlik qidanı əvəz etsə də, maye birbaşa mədəyə
daxil olmur və qida kimi aclığı aradan qaldırmır və bu da orucun batil olmasına
səbəb olmur (əgər şərait imkan verirsə, sistemin qoşulmasını iftardan sonraya
saxlayın).
3. Oruclu
ikən saqqız çeynəmək olar?
Olar. Amma diqqət yetirməlisiniz ki, saqqızın
dadı (şirəsi) boğaz kanalından içəri daxil olmasın. Yoxsa bir saqqıza görə
həmin günün orucunu bada vermiş olarsınız. Çalışın bu vərdişə qırsaqqız
olmayasınız.
4. Ağız
təravətləndiriciləri orucu batil edir?
Ağız təravətləndiriciləri orucu yalnız ağız
boşluğundan boğaz kanalına düşdüyü zaman batil edə bilər. Odur ki, bir qədər
diqqətli olun.
5. Orucluq
yay fəslinə düşdüyündən susuzluğa dözmək çətin olur. Udmadan ağız boşluğunu
yaxalayıb suyu yerə buraxmaq olar?
Bəli, ağzınızı yaxalaya bilərsiniz, amma suyun
ağız boşluğundan boğaza düşməsinə imkan verməyin.
6. Orucluqda
diş fırçalamaq olar?
Bəli, olar, amma yaxşı olar ki, sübh azanı
verilənə qədər bütün işlərinizi qurtarıb dişlərinizi də fırçalayasınız. İmkan
olmadıqda, sonra da fırçalamaq olar, bir şərtlə ki, diş məcununun dadı ağız
suyuna qarışıb boğazdan içəri daxil olmasın.
7. Orucluq
ayında vitaminli üz kremlərindən istifadə etmək olar?
Bəli, olar. Növündən asılı olmayaraq, əl və üz
kremlərindən orucluq ayında istifadə etmək olar.
8. Gün
ərzində qəbul edilməli olan dərmanlar iftardan sonra qəbul edilə bilər?
Bu məsələdə həkimlə məsləhətləşin. Əgər bunun
sizin müalicənizə mənfi təsiri olmazsa, qəbul edin, əks təqdirdə, həkim
məsləhətinə üstünlük verin, tuta bilmədiyiniz günlərin müqabilində Ramazan
ayından sonra qəzasını tutun.
Orucluq həm ruha, həm sağlamlığa, ən əsası isə cibə xeyirdir. Onu batil etməyin...
Günel Həbib
O.M.