Günün fotosu
Günün videosu
Şərhsiz
Xalq artistinin evi əlindən alınır

Xalq artistinin evi əlindən alınır

17 May 2019 11:33
79
Bəyəndim (0) Bəyənmədim (0)

Azərbaycanın Xalq artisti Zülfiyyə Xanbabayeva məhkəməyə verilməsi ilə bağlı xəbərlər yayılıb. İddia olunur ki, bir müddət əvvəl "Bank Of Baku" ipoteka krediti müqaviləsinin şərtlərini pozan şəxsləri məhkəməyə verib. Bankın ipoteka borcunun ödənilməsinin əmlaka yönəldilməsi ilə bağlı tələb irəli sürdüyü 10 nəfər arasında Azərbaycanın Xalq artisti Xanbabayeva Zülfiyyə Güloğlan qızı da var.

Publika.az xəbəri dəqiqləşdirmək üçün sənətçi ilə əlaqə saxlayıb. Xalq artisti əvvəlcə bu barədə danışmaq istəmədiyini desə də, sonradan xəbəri təkzib edib.

"30 ildir səhnədəyəm, belə bir şey görməmişəm. Əlbəttə ki, boş söhbətlərdir, yalan xəbərdir, yanından keçməyin. Bu barədə yazmağa və danışmağa ehtiyac görmürəm".

Bankın müraciəti ilə bağlı hazırda Bakı Apelyasiya Məhkəməsində araşdırmalar aparılır və proses davam edir.