Dünən 9 nəfər dəm qazından zəhərləndi, 13 nəfər sürüşərək ciddi travma aldı

7 Fevral 2012 10:57

Bəyəndim (0) Bəyənmədim (0)

Bakı şəhər Təcili və Təxirəsalınmaz Tibbi Yardım Stansiyasının Baş həkimi Mürsəl Həmidovun verdiyi məlumata görə, ötən gün stansiyaya 1440 müraciət daxil olub. Müraciət edənlərin 156-sı xəstəxanaya çatdırılıb. Müraciətlərin 51-i travmalarla bağlı olub. 13 nəfər buzda sürüşmə nəticəsində müxtəlif dərəcəli travma alıb. Travma alanlardan 12-si xəstəxanalara çatdırılıb. M.Həmidovun sözlərinə görə, fevralın 6-da Bakıda 9 nəfər dəm qazından zəhərlənib. Onlardan 4-ü xəstəxanalara yerləşdirilib. Nərimanov rayonu ərazisində yaşayan 35 yaşlı bir kişi isə dəm qazından zəhərlənərək ölüb. Ötən sutka ərzində baş verən 4 yol-nəqliyyat hadisəsi nəticəsində isə 4 nəfər müxtəlif dərəcəli xəsarət alıb və xəstəxanalara yerləşdirilib.

O.M.