Bakıda terrora hazırlaşan İran vətəndaşları haqda yeni məlumat yayıldı
İsrailin "Haaretz" qəzetinin məlumatına görə, ötən həftə Bakıda üstü açılan terror cəhdinin hədəfləri paytaxtdakı "Şabad Or Avner" yəhudi məktəbinin iki işçisi olub. Azərbaycan Milli Təhlükəsizlik Nazirliyinin iki nəfəri saxlamağı faktına istinad edən qəzet bildirir ki, terrorçular yəhudi məktəbinin müəllimləri Şneor Seqal və Mati Lyuisi qətlə yetirməyi planlaşdırıblar. "Haaretz" ehtimal edir ki, Bakıda yəhudilərin qətli bir qədər öncə Tehranda öldürülmüş İranın nüvə aliminin intiqamını almaq cəhdi də ola bilər.
"Azərbaycanın xüsusi xidmət orqanları bizi məlumatlandırmadan gizli şəkildə hərəkət
ediblər". Yəhudi məktəbinin müəllimi Şneor Seqal terrorun üstünün açılması xəbərini
belə şərh edib. O, habelə bildirib ki, şübhələndiyi şəxslər öncə onu məktəb ətrafında,
daha sonra isə yaşadığı ərazidə izləyiblər.
Xatırladaq ki, ötən həftə Azərbaycan Milli Təhlükəsizlik Nazirliyi xarici
ictimai xadimləri qətlə yetirmək cəhdi ittihamı ilə ölkə vətəndaşları Rasim
Əliyev və Əli Hüseynovun saxlanılması və terror cəhdinin üstünün açılması barədə
rəsmi açıqlama yayıb. Bu şəxslərin İrandan gələn təlimat əsasında hərəkət
etdikləri bildirilib.
O.M.