Liviya dünyanın ən qaynar nöqtəsidir
Dünya France Pressenin qısa xəbərlərində:
19 aprel 2011-ci il, yerli vaxtla saat 04:19
Dəməşq - Suriyanın Daxili İşlər Nazirliyi bazar ertəsi rəsmən bəyanat yaydı ki, ölkədəki etiraz dalğasını nə yolla olursa olsun yatırdacaq. Bəyanatda cari il ölkədə "silahlı üsyan" ili adlandırıldı.
Abuca - Nigeriyanın seçki
komissiyası bazar ertəsi prezident seçkilərinin nəticələrini açıqladı. Hazırkı
prezident Conatan Qudlak öz postunu quruyub saxlaya bildi. Bunun ardınca ölkədə
etiraz aksiyaları keçirilməyə başladı ki, şimal əyalətlərini əhatə edən bu tədbirlərdə
ən az 276 insanın öldüyü, 15 nəfərin isə müxtəlif ölçülərdə xəsarət aldığı
bildirilir.
Benqazi - Tripolinin qərbində yerləşən
Cəbəl əl Qarbi yaşayış məntəqəsində ötən 24 saat ərzində 115 üsyançının öldüyü
bildirilir.
Misrata - Müəmmar Qəddafi beynəlxalq missiya nümayəndələrinin ölkəni təhlükəsiz
şəraitdə tərk etmələri üçün humanitar dəhliz verməyə hazırdır. Bazar ertəsi
Misratadan Benqazi limanına 1000 nəfərlik gəmi keçə bilmişdi. Britaniya rəsmiləri
daha 5000 insanın evakuasiyasını nəzərdə tutur.
Qəddafinin oğlu Seyf əl İslam dinc əhalini öldürmədiklərini bildirərək bazar
günü verdiyi müsahibədə demişdir: "Biz öz xalqımıza qarşı heç bir cinayət törətmirik.
"
Paris - Fransa parlamentinin xarici
işlər üzrə komissiyasının rəhbəri Fransa xüsusi təyinatlı qoşunlarının Liviya hava
hücumlarına qoşulmasını təklif edir.
O.M.