Yuliya Timoşenko yeriyə bilmir
Rusiyanın "РосБизнесКонсалтинг" media mərkəzinin Ukraynanın penitensiar xidmətinə istinadən yaydığı xəbərdə bildirilir ki, Kiyevin müvəqqəti saxlanılma təcridxanasının həkimləri sabiq baş nazir Yuliya Timoşenkonun səhhətinin pisləşdiyini, bu səbəbdən gəzintilərə çıxa bilməyəcəyini bəyan ediblər.
"Kiyev istintaq
təcridxanasının rəhbərliyi məlumat verir ki, 5 noyabr günü səhər gəzintisi
zamanı Timoşenkonun ehtiyatsızlığından onurğa sütununun bel hissəsindəki
ağrıları artıb, bu da onun hərəkət funksiyasını məhdudlaşdırıb", - deyə xəbərdə
bildirilir. Təcridxana işçiləri dərhal onu hospitala çatdırıblar. Məlumat
dərhal Timoşenkonun vəkillərinə çatdırılıb.
Xatırladaq ki, 2011-ci il 11 oktyabrda məhkəmənin çıxardığı qərarla Yuliya
Timoşenko 2009-cu il Rusiya-Ukrayna qaz sazişləri zamanı vəzifə
səlahiyyətlərini aşması ittihamı ilə 7 il müddətinə azadlıqdan məhrum edilib.
Qaz sazişlərində qaza gələn sabiq baş nazirin qazı yatıb...
Hafiz Əhmədov
O.M.