Nişanda dava düşdü, gəlinin dayısı oğlu döyülərək komaya düşdü - GÖYÇAYDA

Nişanda dava düşdü, gəlinin dayısı oğlu döyülərək komaya düşdü - GÖYÇAYDA

21 Fevral 2017 11:53
260
Yeni qohumlar ilk gündən bir-biri ilə yola getmədi

Göyçay rayonunda yerləşən restoranda baş tutan nişan mərasimi qanqaraçılıqla nəticələnib. Belə ki, Yeniarx kənd sakini, 1988-ci il təvəllüdlü Zülfüqarov Məharət Gülağa oğlu şəxsi münasibətlər zəminində baş verən dava zamanı yeni qohum olduğu şəxs, Göyçay şəhər sakini, 1992-ci il təvəllüdlü Bəhdəmirov Aqşin Bəhram oğlu tərəfindən döyülüb.

Küt alətlə başından ağır xəsarət alaraq yerə yıxılan M. Zülfüqarov komaya düşüb və təcili olaraq Göyçay rayon Mərkəzi Xəstəxanasının reanimasiya şöbəsinə yerləşdirilib. Hazırda onun vəziyyəti ağır olaraq qalır. Hadisəni törədən şəxsin nişan mərasimi olan qızın dayısı oğlu olduğu bildirilir. A. Bəhdəmirov tutularaq istintaqa təhvil verilib.

Faktla bağlı Göyçay rayon Polis Şöbəsi tərəfindən araşdırma aparılır.

Aqil M.