Təfəkkür Universitetinin rektor müavininin meyiti tapıldı

Təfəkkür Universitetinin rektor müavininin meyiti tapıldı

16 Sentyabr 2011 12:35
1 120
Bəyəndim (0) Bəyənmədim (0)

Bu gün səhər saatlarında Yasamal rayonu, Şərifzadə küçəsi 8-də, ATV telekanalının arxasındakı binada yaşayan Taryel Əhmədovun meyiti tapılıb. Hüquq-mühafizə orqanlarından ucnoqta.az-a verilən məlumata görə, mərhumun meyiti həmin ərazidəki idman meydançasından tapılıb. Hələlik ölümün səbəbi bilinməsə də, T.Əhmədovun turnikdən yıxılması və ya ürək tutmasından dünyasını dəyişməsi versiyaları irəli sürülür. Hazırda Bakı şəhər Baş Polis İdarəsinin, Yasamal RPİ-nin rəhbərliyi hadisə yerindədir. Faktla bağlı Yasamal rayon Prokurorluğunda araşdırma aparılır. Yasamal RPİ-nin 28-ci polis bölməsindən əldə etdiyimiz məlumata görə, meyitin baş nahiyəsində xəsarət izləri aşkar olunub. Hazırda bununla bağlı araşdırma aparılır. Xəsarət yıxılma nəticəsində və ya küt alətlə vurulması barədə hər hansı konkret rəy verilmir. Qeyd edək ki, mərhum Tariyel Əhmədov Təfəkkür Universitetinin rektor müavini idi.

Allah rəhmət eləsin.

Tofiq Əliyev

O.M.