ÜST Azərbaycanı vərəm xəstəliyinin geniş yayıldığı ölkələr siyahısına salıb

ÜST Azərbaycanı vərəm xəstəliyinin geniş yayıldığı ölkələr siyahısına salıb

14 Sentyabr 2011 14:27
986
Bəyəndim (0) Bəyənmədim (0)

Ümumdünya Səhiyyə Təşkilatı dünyada vərəmin yayılmasını əks etdirən ənənəvi illik hesabatını açıqlayıb. Dünyada vərəmin yayılma sürətini "təşviş yaradan tendensiya" kimi səciyyələndirən Ümumdünya Səhiyyə Təşkilatı ekspertləri Azərbaycanı bu xəstəliyin geniş yayıldığı ölkələr sırasına aid ediblər.

Sənədə əsasən Azərbaycan və bir sıra digər postsovet ölkələrində vərəmin dərman və müalicəyə müqavimət göstərən yeni növləri yayılır və bəzi ölkələr bu xəstəliyə dərhal diaqnoz qoya bilmir. Ekspertlərin fikrincə, Azərbaycan da daxil olmaqla Şərqi Avropa ölkələrində vərəmin bu növünün yayılması bu xəstəliyi cilovlamaq cəhdlərinin uğursuzluğunun bir göstəricisidir.

Ümumdünya Səhiyyə Təşkilatının Avropa ofisindən Oqtay Gözəlov bildirib ki, vərəm yalnız ən riskli təbəqə sayılan mühacir və dustaqlar arasında yayılmır, həm də əhalinin digər təbəqələrinə sirayət edir: "Üzv ölkələr indi təcili tədbirlər görməsələr, gələcəkdə biz ağır vəziyyətlə üzləşə bilərik".

Vərəmin yayılmasını əngəlləmək üçün Ümumdünya Səhiyyə Təşkilatı ayrıca plan hazırlayıb və onun icrası üçün 5 milyard dollara qədər vəsait tələb olunur.

İnsan özü özünün həkimi olmalıdır. Odur ki, çalışın sağlam qalın.

Tofiq Əliyev

O.M.