Yük maşını piyadanı vuraraq öldürüb

9 Sentyabr 2011 12:21

Bəyəndim (0) Bəyənmədim (0)

Bakı-Şamaxı yolunda piyadanın ölümü ilə nəticələnən avtomobil qəzası baş verib. Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi Rafiq Həsənov APA-ya bildirib ki, hadisə sentyabrın 8-də gecə saat 22:00 radələrində yolun 25-ci kilometrliyinə, Abşeron rayonu ərazisində qeydə alınıb.

Bakının Qaradağ rayonunda müvəqqəti məskunlaşmış Laçın rayon sakini, 1982-ci il təvəllüdlü Quliyev Ricay Qulu oğlu idarə etdiyi "VAFİ Region" MMC-yə məxsus 31-AC-259 dövlət nömrə nişanlı "MAN" markalı yük maşını ilə yolu keçən piyadanı - Bakı şəhərinin Binəqədi rayon sakini, 1977-ci il təvəllüdlü Əhlimanov Vasif Ağazadə oğlunu vuraraq öldürüb. Faktla bağlı cinayət işi açılıb, araşdırma aparılır.

Sürücü sürərkən, piyada gəzərkən ehtiyatlı olmalıdır.

Tofiq Əliyev

O.M.