Fərari erməni zabit Rusiyada tutuldu

Fərari erməni zabit Rusiyada tutuldu

2 Sentyabr 2016 14:31
Bəyəndim (0) Bəyənmədim (0)

Ermənistan Silahlı Qüvvələrinin fərarı zabit Rusiyada tutulub.

RİA Novosti-nin verdiyi məlumata görə, bu barədə Rusiyanın Tümen vilayəti üzrə prokurorluğunun mətbuat xidməti açıqlama yayıb.

Açıqlamada bildirilir ki, Vaqe Ohanesyan avqsutun 29-da Tobolsk şəhərində polis tərəfindən saxlanılıb. Sənədləri yoxlanılarkən onun axtarışda olduğu üzə çıxıb. Məhkəmə barəsində həbs qərarı verib. Fərari zabitin Ermənistana ekstradisiyası üçün sənədləşmə işləri aparılır.

Ermənistan vətəndaşı Vaqe Ohanesyan 2009-ci ildə Ermənistan ordusunda xidmətə başlayıb.

2016-cı ilin fevralında 28 yaşlı bölük komandiri məzuniyyətə çıxıb və Ermənistanı tərk edib.

Mediainfo.az