Kürdəmirdə ağır yol qəzası: 2 nəfər öldü, 2 nəfər yaralandı

Kürdəmir rayonu ərazisində, Bakı-Qazax yolunun Kürdəmir rayonu Atakişili kənd ərazisindən keçən 201,5-ci km-də Şəmkir rayon sakini, 1973-cü il təvəllüdlü Məmmədov Toğrul Xanbaba oğlu Bakı şəhər istiqamətində idarə etdiyi "Tofaş-Şahin" markalı, 10 MT 584 dövlət qeydiyyat nişanlı minik avtomobili yolun sol yan hissəsi ilə qabaqda eyni istiqamətdə hərəkət edən Qəbələ rayon sakini 1969-cu il təvəllüdlü Həsənov Əzrullah Həsən oğlunun idarə etdiyi "KamAZ-5511" markalı, 10 TP 269 dövlət qeydiyyat nişanlı yük avtomobilinin arxası ilə toqquşub. Qəza nəticəsində minik avtomobilində olan sərnişinlər - Yevlax rayon sakini, 1967-ci il təvəllüdlü Hacıyeva Faiqə Xanbaba qızı və Şəmkir rayon sakini, 1971-ci il təvəllüdlü Əsgərova Fərqanə Əlif qızı hadisə yerində ölüb, sürücü Toğrul Məmmədov və digər sərnişin - Şəmkir rayon sakini, 1959-cu il təvəllüdlü Məmmədova Sara Xanbaba qızı isə xəsarət alaraq Kürdəmir Mərkəzi Rayon Xəstəxanasına çatdırılıblar.

Yollarda ehtiyatlı olmaq lazımdır. Əks halda bu yol başqa istiqamətə apar bilər.

Tofiq Əliyev

O.M.