Türkiyənin məşhur jurnalisti Nazlı Ilıcakın həbsinə sanksiya verilib

Türkiyənin məşhur jurnalisti Nazlı Ilıcakın həbsinə sanksiya verilib

25 İyul 2016 11:09
197
Bəyəndim (0) Bəyənmədim (0)
42 jurnalistin həbsi gözlənilir!

Türkiyədə "Fətullahçı Terror Təşkilatı"nın (FETÖ) media ayağına qarşı əməliyyat başlayıb.

İstanbul Terror və Mütəşəkkil Cinayətkarlıq Bürosunun baş prokuror əvəzi İrfan Fidan aparılan istintaq çərçivəsində 42 media mənsubunun yaxalanması haqqında təlimat verib. Onların arasında Türkiyənin məşhur jurnalistlərindən olan Nazlı Ilıcakın da adı var. N. Ilıcakın hazırda turizm zonası Muğla vilayəti ərazisində olduğu güman edilir.

1944-cü il təvəllüdlü Nazlı Ilıcak Demokrat Partiyanın hakimiyyəti dövründə nazir vəzifələrində çalışmış Muammer Çavuşoğlunun qızıdır. Onun ilk həyat yoldaşı bir zamanlar Türkiyənin populyar mətbuat orqanlarından biri - "Tərcüman" qəzetinin sahibi Kamal Ilıcak olub. Mühafizəkar kəsimin tanınmış simalarından olan Nazlı Ilıcak 1999-cu ildə Fəzilət Partiyasından İstanbul millət vəkili seçilib.

Mediainfo.az