Deputatın qardaşı oğlu ilə icra başçısı arasında insident

11 İyul 2016 10:48

Bəyəndim (0) Bəyənmədim (0)

Cəbrayılın icra başçısı Kamal Həsənovla rayonun polis rəisi Araz Şahverdiyevin qardaşı Şahin Şahverdiyev arasında insident yaşanıb

Redaksiyamıza daxil olan məlumatda iddia olunur ki, şəxsi zəmində baş vermiş mübahisə nəticəsində Şahin Şahverdiyev tüfənglə icra başçısının başının üzərindən atəş açıb.

Məlumatda bildirilir ki, Şahin Şahverdiyev deputat Astan Şahverdiyevin qardaşı oğludur. Iddialara görə, elə deputatın məsələyə müdaxiləsindən sonra məsələnin böyüməsinin qarşısı alınıb.

Astan Şahverdiyev isə "Azadlıq"a açıqlamasında bu məlumatın əsassız olduğunu deyib. "Cəbrayılın polis rəisi mənim qardaşım oğludur. Bunu bilməyən yoxdur. Şahin Şahverdiyev isə onun ögey qardaşıdır. Özü də psixoloji problemləri var. Onunla indiki icra başçısı arasında hər hansı problem olmayıb. Keçmiş icra başçısı ilə xırda problem olmuşdu. Bu məlumatlar əsassızdır", – deyə Astan Şahvverdiyev bildirib.

Mediainfo.az