Təhsil nazirliyindən valideynlərin nəzərinə:""Attestat" pulu yığılsa, xəbər edin!"
Cəsarət Valehov: "Bu cür hal varsa, bizə yazılı qaydada müraciət etsinlər"
Bir sıra məktəblərdə 11-ci sinfi bitirən şagirdlərdən 25 manat attestat pulu yığılır. Bunun qanuni olduğunu düşünən bir çox valideynlər isə tələb olunan məbləği verirlər. Redaksiyamıza Xırdalanda yerləşən 2 saylı orta məktəbdən daxil olan şikayətdə belə deyilir.
Təhsil Nazirliyinin İctimaiyyətlə əlaqələr şöbəsinin rəhbəri Cəsarət Valehov "Yeni Müsavat"a açıqlamasında bu pulun qanunsuz olaraq yığıldığını dedi: "Bu cür hal varsa, bizə yazılı qaydada müraciət etsinlər. Biz məsələni araşdıraq. Bu pulun yığılmasından Təhsil Nazirliyinin xəbəri yoxdur. Hansısa məktəb barədə bu cür fakt, konkret şikayət varsa, ad-soyadlarını qeyd etmək şərti ilə bizə yazılı müraciət etsinlər. Bizim daxili nəzarət şöbəmiz var. Biz şikayəti həmin şöbənin xidməti araşdırmasına verək araşdırsın və müvafiq tədbir görülməsi ilə bağlı göstəriş verək".
Mediainfo.az
.jpg)
.jpg)
