Azərbaycana payız gəlir?

Azərbaycana payız gəlir?

22 Avqust 2011 14:05
1 315
Bəyəndim (0) Bəyənmədim (0)
Rayonlarda sabah şimşək çaxacaq, arabir yağış yağacaq

Yaxın üç gün ərzində Abşeron yarımadasında mülayim xəzri küləyi əsəcək, həmçinin avqustun 24-25-də ötən günlərlə müqayisədə sərin hava şəraiti müşahidə olunacaq. Bu barədə Ekologiya və Təbii Sərvətlər Nazirliyi Milli Hidrometeorologiya Departamentinin yaydığı məlumatda bildirilir.

Bakıda və Abşeron yarımadasında avqustun 23-də hava şəraitinin dəyişkən buludlu, əsasən yağmursuz keçəcəyi gözlənilir. Axşam buludluluğun artacağı, gecəyə doğru yarımadanın bəzi yerlərində qısamüddətli az yağış yağacağı ehtimalı var. Mülayim şimal-qərb küləyi əsəcək. Havanın temperaturu gecə 21-25 dərəcə, gündüz 29-34 dərəcə isti təşkil edəcək. Abşeron çimərliklərində dəniz suyunun temperaturu 23-24 dərəcə isti olacaq.

Azərbaycanın rayonlarında sabah şimşək çaxacağı, arabir yağış yağacağı gözlənilir. Bəzi yerlərdə lokal leysan xarakterli olacağı, dağlıq ərazilərdə dolu düşəcəyi ehtimalı var. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 19-24 dərəcə, gündüz 28-33 dərəcə, dağlarda gecə 9-14 dərəcə, gündüz 15-20 dərəcə isti təşkil edəcək.

Yaxın 3 gün ərzində Abşeron yarımadasında mülayim xəzri küləyinin üstünlüyü, həmçinin avqustun 24-25-də ötən günlərlə müqayisədə sərin hava şəraiti meteohəssas insanlar üçün əlverişlidir.

Havanın necə olmasından asılı olmayaraq, çalışın sağlam qalın.

Günel Həbib

O.M.