Bu gün müəllimlərin növbəti imtahanı keçirilir

Bu gün müəllimlərin növbəti imtahanı keçirilir

12 Avqust 2011 10:54
1 033
Bəyəndim (0) Bəyənmədim (0)

Bu gün Azərbaycanda müəllimlərin işə qəbulu ilə bağlı növbəti imtahan keçirilir. İmtahan Təhsil Nazirliyinin tabeliyində olan Təhsilin İnformasiyalaşdırılması İdarəsində keçirilir. Bu gün səhər saat 9.00-da başlayan imtahan axşam saat 18.00-dək davam edəcək. Hər bir namizəd kompüter vasitəsilə bir saat ərzində 35 sualı cavablandıracaq və imtahan başa çatan kimi topladığı balı öyrənəcək.

Qeyd edək ki, hazırda ölkədə kimya müəllimliyi ixtisası üzrə 141 vakant yer var. Vakant yerlərdən 7-si Bakı şəhəri üzrə, 134-ü isə digər şəhər və rayonlar üzrədir. Bu ixtisas üzrə vakant yerlərə 338 nəfər ərizə verib.

Daha sonra isə tarix, biologiya, fizika, riyaziyyat, informatika, coğrafiya, musiqi və nəğmə, təsviri incəsənət, gənclərin çağırışaqədərki hazırlığı, əmək hazırlığı və fiziki tərbiyə fənləri üzrə imtahanlar keçiriləcək.

Həmişə müəllimlər imtahan götürür, bu dəfə isə müəllimlərdən imtahan götürüləcək.

Tofiq Əliyev

O.M.