Hava limanının damı çökdü

Ankara şəhərindəki "Esenboğa" hava limanının damı çöküb. Hadisəyə Ankara və ətrafında yağan güclü yağış səbəb olub. Məlumata görə, yağışın başlamasından bir müddət sonra daxili və xarici uçuşların həyata keçirildiyi terminalın damından içəriyə su sızmağa başlayıb. Daha sonra isə daxili və xarici uçuş terminallarının arasında olan yarımmərtəbədə çökmə meydana gəlib. Hava limanında dərhal təhlükəsizlik tədbirləri gücləndirilib. Təbi fəlakətin elektrik sisteminə verdiyi zərər səbəbi ilə hava limanında işıqlar da tez-tez söndürülüb. Hazırda "Esenboğa" hava limanının işçiləri problemin aradan qaldırılması üçün var gücləri ilə fəaliyyətlərini davam etdirirlər.

Yağış Ankaraya problem yağdırıb.

Tofiq Əliyev

O.M.