Türkiyədə atışma başlayıb!

Türkiyədə atışma başlayıb!

7 Avqust 2015 13:12
477

Türkiyənin Şırnaq vilayətinin Silopi rayonunda təhlükəsizlik qüvvələri ilə PKK terror təşkilatı üzvləri arasında atışma başlayıb.

apa-nın xəbərinə görə, indiyədək 2 nəfərin öldüyü, onlarla şəxsin xəsarət aldığı bildirilir. Məlumata görə, bu gün səhər saatlarında təhlükəsizlik qüvvələrinin əməkdaşları terrorçuların rayon mərkəzində qazdıqları xəndəkləri doldurmaq istəyiblər. Bu zaman terrorçular onlara raket zərbəsi endiriblər, iriçaplı silahlardan atəş açıblar. Polis əməkdaşlarının hücuma qarşılıq verməsi ilə ərazidə atışma başlayıb.

Hazırda atışma davam edir. Hadisə yerinə Jandarm Qüvvələri cəlb olunub. Atışmanın olduğu ərazidə bəzi evlərdə yanğın qeydə alınıb. Türkiyə Silahlı Qüvvələrinə məxsus helikopterlər təhlükəsizlik qüvvələrinə havadan dəstək verir.

PKK terrorçuları Siirt vilayətində isə Hava Limanına məxsus hava nəqliyyatının hərəkətini idarə edən stansiyaya hücum ediblər. Orda mühafizə xidmətinin 18 əməkdaşının əl-qolunu bağlayaraq, telefonlarını əllərindən aldıqdan sonra stansiyaya od vurublar. Təhlükəsizlik qüvvələrinin əməkdaşları hadisə yerinə gələnədək terrorçular qaçmağa nail olublar.

Mediainfo.az