Azərbaycanda fövqəladə vəziyyət haqqında

Azərbaycan FHN Respublika ərazisində baş vermiş hadisələr haqqında bu gün məlumat verir:

Bakı şəhəri, Yasamal rayonunda vətəndaşa məxsus ümumi sahəsi 39 kv.m olan 3 otaqlı mənzilin mətbəxində qaz peçi yanmış, 1 nəfər yanıq xəsarətləri almışdır. Xəsarət almış şəxsə Təcili Tibbi Yardım Stansiyasının həkimləri tərəfindən ilkin tibbi yardım göstərilmişdir. Yanğın saat 11:49-da yanğınsöndürənlər tərəfindən söndürülmüşdür;

Bakı şəhəri, Nərimanov rayonunda mənzildə bir nəfərin bağlı qapı arxasında köməksiz vəziyyətdə qalması barədə məlumat daxil olmuşdur. Hadisə yerində əməliyyat şəraiti qiymətləndirilərkən məlum olmuşdur ki, həmin şəxs mənzilin qapısının dəfələrlə döyülməsinə və uzunmüddətli telefon zənglərinə reaksiya vermir. Hadisə yerinə cəlb edilmiş xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə doqquzmərtəbəli yaşayış binasının 4-cü mərtəbəsində yerləşən həmin mənzilə 5-ci mərtəbənin eyvanından enərək daxil olmuş və giriş qapısını açmışlar. Mənzildə xəstə vəziyyətdə aşkarlanmış yaşlı qadın xilasedicilər tərəfindən aidiyyəti üzrə təhvil verilmişdir. Əməliyyat saat 13:13-də başa çatmışdır;

İsmayıllı rayonu, Diyallı kəndində (rayon mərkəzindən 10 km aralı) vətəndaşa məxsus ümumi sahəsi 300 kv.m olan tövlənin dam örtüyünün yanar konstruksiyaları 30 kv.m sahədə yanmışdır. Tövlənin qalan hissəsi yanğınsöndürənlər tərəfindən yanğından mühafizə olunmuşdur. Yanğın saat 15:26-da yanğınsöndürənlər tərəfindən söndürülmüşdür;

Bakı şəhəri, Binəqədi rayonunda tikintisi başa çatmamış ümumi sahəsi 24 kv.m olan birmərtəbəli 1 otaqlı fərdi evin yanar konstruksiyaları 8 kv.m sahədə yanmışdır. Yanğın saat 04:15-də yanğınsöndürənlər tərəfindən söndürülmüşdür;

Abşeron rayonu, Xırdalan şəhərində ümumi sahəsi 40 kv.m olan anbar kimi istifadə olunan vaqonun taxtadan ibarət üzlüyü 15 kv.m sahədə yanmışdır. Bir nəfər yanğınsöndürənlər tərəfindən yanğından xilas olunmuş və vaqonun içərisində olan ərzaq malları mühafizə olunmuşdur. Yanğın saat 06:13-də yanğınsöndürənlər tərəfindən söndürülmüşdür.

O.M.