Hərbi Dəniz Qüvvələrinin bazası köçürülür

Hərbi Dəniz Qüvvələrinin bazası köçürülür

29 İyun 2011 14:47
832
Bəyəndim (0) Bəyənmədim (0)

APA-nın məlumatına görə, Azərbaycan Hərbi Dəniz Qüvvələrinin bazası Bakı buxtasından - Bayıl qəsəbəsindən köçürülür. Dəniz Qüvvələrinin Bakı buxtasından çıxarılması hazırda hərbi bazanın yerləşdiyi ərazinin Dövlət Bayrağı Meydanına düşməsi ilə bağlıdır. Bayraq Meydanının yaradılması və Dənizkənarı Bulvara doğru genişləndirilməsi ilə əlaqədar olaraq ətraf ərazidəki bütün tikililər sökülür. Eyni zamanda buradakı bir sıra gəmi təmiri müəssisələri və yaşayış obyektləri, o cümlədən hərbi hissə paytaxtdan kənara köçürülür. Hərbi Dəniz Qüvvələri hələlik bir müddət Bibiheybət qəsəbəsində hərbi hissənin ərazisində və Zığ qəsəbəsində yerləşəcək. Daha sonra buradan Ələt qəsəbəsində inşa olunan yeni hərbi bazaya köçəcək. Qeyd edək ki, HDQ-nin hazırkı bazası sovet dövründən Bayılda mövcud olub. Burada Sovet HDQ-nin Qırmızı Bayraqlı Xəzər Flotiliyası yerləşib.

Tofiq Əliyev

O.M.