Rüşvətxor MİS rəisi və servis direktorunun məhkəməsi başlayıb

Rüşvətxor MİS rəisi və servis direktorunun məhkəməsi başlayıb

19 Dekabr 2014 14:31
552
Bəyəndim (0) Bəyənmədim (0)

Bu gün Bakı Ağır Cinayətlər Məhkəməsində rüşvətxorluqda təqsirləndirilən Bəşir Bəşirov və Rövşən Muradovun cinayət işi üzrə məhkəmənin hazırlıq iclası keçirilib.

Prosesdə təqsirləndirilən şəxslərin anket məlumatları dəqiqləşdirilib. Məhkəmənin baxış iclası isə dekabrın 29-na təyin edilib.

Baş Prokurorluğun mətbuat xidmətinin yaydığı məlumata görə, Bakı şəhər Mənzil Kommunal Təsərrüfatı Departamentinin 117 saylı Mənzil Kommunal İstismar Sahəsinin rəisi Bəşir Bəşirov "Ekspress servis" MMC-nin direktoru Rövşən Muradovla əlbir olub, Bakı şəhər sakininə məxsus mənzilin özəlləşdirilməsi üçün tələb olunan sənədlərin verilməsi müqabilində vəzifəli şəxs kimi xidməti səlahiyyətlərinin icrası ilə əlaqədar edəcəyi hərəkətlərə görə ondan qeyd edilən cəmiyyətin ofisində 2 000 manat məbləğində rüşvət alarkən cinayət başında yaxalanmışdır. Baxış zamanı B. Bəşirovun üzərindən daha 2 500 manat məbləğində pul aşkar edilərək götürülüb.

B. Bəşirov və R. Muradov Cinayət Məcəlləsinin 311-ci (rüşvət alma) maddəsi ilə təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib.

Mediainfo.az