İlham Əliyev fərman imzalayıb

16 Dekabr 2014 10:14

Bəyəndim (0) Bəyənmədim (0)

Prezident İlham Əliyev Azərbaycan hökuməti ilə İran İslam Respublikasının hökuməti arasında informasiya və kommunikasiya texnologiyaları sahəsində əməkdaşlıq haqqında bu ilin noyabrın 12-də Bakıda imzalanan Anlaşma Memorandumunun təsdiq edilməsi barədə fərman imzalayıb.

Sənəddə deyilir ki, Azərbaycanın Rabitə və Yüksək Texnologiyalar Nazirliyi fərmanın 1-ci hissəsində göstərilən Anlaşma Memorandumunun müddəalarının həyata keçirilməsini təmin etsin.

Bundan başqa, Azərbaycanın Xarici İşlər Nazirliyi həmin Anlaşma Memorandumunun qüvvəyə minməsi üçün zəruri olan dövlətdaxili prosedurların yerinə yetirildiyi barədə İran hökumətini xəbərdar etməlidir.

Mediainfo.az