Külək Bərdədə ciddi problemlər yaradıb

Külək Bərdədə ciddi problemlər yaradıb

2 İyun 2014 14:08
374
Bəyəndim (0) Bəyənmədim (0)

Dünən Bərdədə müşahidə olunan küləkli hava şəraiti rayonun bir sıra yaşayış massivlərində ciddi fəsadlar törədib.

Şəhərin mərkəzi hissəsi və bir neçə kənddə ağaclar aşıb, elektrik xətləri və sakinlərə məxsus yaşayış evlərinin dam örtüyü sıradan çıxıb. Rabitə və yüksək gərginlikli elektrik xətlərinə də zərər dəyib. Rayonun bir hissəsinin qaz təchizatında da problemlər meydana gəlib.

Hazırda Bərdə Rayon İcra Hakimiyyətinin Fövqəladə hallar komissiyası dəymiş ziyanı hesablayır. Yaranmış vəziyyəti aradan qaldırmaq üçün aidiyyatı qurumlar yerlərdə fəaliyyət göstərir.

Mediainfo.az