"Lili" və "Bonjus" içkilərinin fəaliyyəti dayandırıldı
İqtisadi
İnkişaf Nazirliyi yanında Antiinhisar Siyasəti və İstehlakçıların Hüquqlarının
Müdafiəsi Dövlət Xidməti sərinləşdirici içkilərin istehsalı və satışının
qanunauyğunluğunun yoxlanılmasını davam etdirir.
Dövlət Xidməti tərəfindən Xırdalan şəhəri H.Əliyev küçəsi ev 50 ünvanında
"Cem Ltd" MMC-yə məxsus istehsalat sahəsində aparılan yoxlama zamanı
"Bonjus" və "Lili" əmtəə nişanlı aromatlaşdırılmış
sərinləşdirici içkilərin müvafiq reseptura olmadan istehsal edildiyi, "Lili"
əmtəə nişanlı sərinləşdirici içkilərin etiketində məhsulun keyfiyyət və
təhlükəsizlik göstəricilərini ifadə edən normativ sənədin göstərilmədiyi,
habelə "Bonjus" əmtəə nişanlı sərinləşdirici içkilərin etiketlərində
saxlanma temperaturunun və qida dəyərində üzvi turşuların miqdarının qeyd
edilmədiyi müəyyən edilib.
Qanun pozuntuları ilə əlaqədar, "Bonjus" və "Lili"
sərinləşdirici içkilərinin istehsalının dayandırılması və müəssisə tərəfindən
ticarət şəbəkəsinə paylanmış həmin məhsulların geri yığılması, habelə normativ
sənədlərin tələblərinə cavab verməyən və müvafiq reseptura olmadan istehsal
edilmiş 1162 litr sərinləşdirici içkinin qanunvericiliyə müvafiq qaydada məhv
edilməsi barədə Dövlət Xidməti tərəfindən "Cem Ltd" MMC-yə icrası məcburi
göstəriş verilib. Araşdırmalar davam edir.
Sərinləşdirici içki istehsalçısına yay vaxtı "soyuq duş" sərinləşdirici effekt verəcək...
Könül Aypara
O.M.