Zəlzələ ilə bağlı qorxmağa dəyməz

Zəlzələ ilə bağlı qorxmağa dəyməz

11 Fevral 2014 12:08
534
Bəyəndim (0) Bəyənmədim (0)
Qurban Yetirmişli: “Ölkə ərazisində seysmik vəziyyət sakitdir”

Dünən ölkə ərazisində baş verən zəlzələdən sonra respublika ərazisində seysmik vəziyyət sakitdir".

Azərbaycan Milli Elmlər Akademiyası (AMEA) Respublika Seysmoloji Xidmət Mərkəzinin baş direktoru Qurban Yetirmişli açıqlamasında deyib ki, fevralın 10-da 55 km dərinlikdə böyük lay parçasının qırılması hadisəsindən sonra zəlzələ baş verib və ondan sonra hərəkət dayanıb: "Ola bilsin ki, müəyyən vaxtdan sonra layın hansısa qalan hissəsi də qırılıb düşsün və zəif təkanlar olsun. Burada qorxulu bir şey yoxdur. Amma ola da bilsin ki, heç düşməsin və qalsın. Ümumiyyətlə, praktikada belə hallar olur. Adətən zəlzələdən sonra zəif təkanlar olur və bunlar da qorxulu deyil".

Qeyd edək ki, fevralın 10-da saat 16:06-da Saatlıdan 41 km şimal-şərqdə Hacıqabul ərazisində baş verən zəlzələnin gücü episentrdə 6 bala yaxın olub. Yeraltı təkanlar ölkə ərazisində 5-3 bala qədər hiss edilib. İnsan itkisi və tikililərdə dağıntı olmayıb.