Azərbaycan Müdafiə Nazirliyi xəstəlik aşkarlanmış 157 çağırışçını geri qaytarıb

Azərbaycan Müdafiə Nazirliyi xəstəlik aşkarlanmış 157 çağırışçını geri qaytarıb

10 Fevral 2014 17:58
Bəyəndim (0) Bəyənmədim (0)

Yanvar ayında Silahlı Qüvvələrdə həqiqi hərbi xidmətə çağırılan xeyli çağırışçıda xəstəlik aşkarlanıb.

Bu barədə Müdafiə Nazirliyinin mətbuat xidmətindən məlumat verilib. Yanvarın 1-dən 31-dək Silahlı Qüvvələrin hərbi tibb müəssisələrində təkrarən yoxlanılan gənc çağırışçılardan xəstəlik aşkarlanmış 157 nəfər geri qaytarılıb.

Qeyd edək ki, yanvar ayının əvvəlində müdafiə naziri, general-polkovnik Zakir Həsənovun imzaladığı əmrə əsasən Müdafiə Nazirliyinin tabeliyində olan hərbi hissələrə hərbi xidmətə çağırılan gənclərin sağlamlıq vəziyyəti Silahlı Qüvvələrin birliklərində, Əlahiddə Ümumqoşun Ordusu və Bakı qarnizonu üzrə toplanış məntəqəsində yaradılmış tibbi komissiyalar tərəfindən təkrarən yoxlanışdan keçirilir.