Şirkətlərdən biri külli miqdarda yeyinti edib

Şirkətlərdən biri külli miqdarda yeyinti edib

4 Fevral 2014 14:43
484
Bəyəndim (0) Bəyənmədim (0)

Baş Prokurorluq müəssisəyə külli miqdarda ziyan vurmuş şəxs barəsində cinayət işinin başlanması ilə bağlı məlumat yayıb. Prokurorluğun mətbuat xidmətindən verilən məlumata görə, "UNİMAC Az" MMC-nin əməkdaşının qanunsuz hərəkətləri barədə Baş prokuror yanında Korrupsiyaya qarşı Mübarizə İdarəsinə daxil olmuş məlumat araşdırılıb. Araşdırma zamanı şirkətin satış təmsilçisi Anar Xəlilzadənin tikinti materiallarının satışından qəbul etdiyi 17.0 min manat vəsaiti müəssisənin xəzinəsinə mədaxil etməyərək mənimsəməsində və bununla da cəmiyyətə külli miqdarda ziyan vurmasında əsaslı şübhələr olduğundan fakta görə Cinayət Məcəlləsinin 179.3.2 (mənimsəmə və ya israf etmə) maddəsi ilə cinayət işi başlanıb.

Hazırda iş üzrə istintaq davam etdirilir.