Azərbaycanda özəl detektivliyə icazə verilə bilər

Azərbaycanda özəl detektivliyə icazə verilə bilər

15 Avqust 2013 13:30
537
Bəyəndim (0) Bəyənmədim (0)
Növbəti sessiyada “Detektiv fəaliyyəti haqqında” yeni qanun layihəsinin müzakirəyə çıxarılması gözlənilir

Azərbaycanda özəl detektivlərin fəaliyyətinə icazə verilə bilər.

Milli Məclisdən Apa-ya verilən məlumata görə, növbəti sessiyada "Detektiv fəaliyyəti haqqında" yeni qanun layihəsinin müzakirəyə çıxarılması gözlənilir.Layihə bir qrup hüquqşünas millət vəkillərinin təşəbbüsü ilə ABŞ və Avropa təcrübəsi milli-mənəvi dəyərlərlə uzlaşdırılaraq hazırlanır.Layihənin hazırlanmasında məqsəd ölkə ərazisində müxtəlif səbəblərdən itkin düşənlərin, ailədaxili məsələlərlə bağlı kritik durumların araşdırılması və digər məsələlərdə özəl detektivlərin fəaliyyətindən yararlanmaqdır.Sənədin yeni formada işlənmiş variantının hazırlanması ilə bağlı artıq müvafiq qurumların müsbət rəyi alınıb.Qeyd edək ki, belə bir layihə ötən il də Milli Məclisə təqdim olunub. Lakin sənəddə milli-mənəvi dəyərlərə zidd məqamlar olduğu üçün geri qaytarılıb.

O.M.