Dünyada fövqəladə vəziyyət
Polşada tekstil anbarlarında yanğın baş verib 10 may 2011-ci il tarixində Polşanın paytaxtı Varşava şəhəri yaxınlığında tekstil məmulatlarının saxlandığı anbarlarda güclü yanğın baş verib. Alov "Volka Kasovska" adlanan ərazidə qeydə alınıb. Son məlumata əsasən, yanğının ümumi sahəsi 10000 m2 təşkil edir. Ərazidə, həmçinin, xeyli sayda ofis binalarının da yerləşdiyi bildirilir. Havaya qalxan tüstünün insan sağlamlığı üçün zərərli olduğu ehtimal olunur. Təhlükəsizlik tədbirləri çərçivəsində yaxınlıqda yerləşən yaşayış evlərindən sakinlərin təxliyyəsi həyata keçirilib. Hadisə yerinə xeyli sayda texnika və yanğınsöndürən cəlb edilib. Ərazidə müvafiq işlər görülür. Yanğının başvermə səbəbi barədə məlumat verilmir. Araşdırma aparılır.
Çində zəlzələ baş verib 10 may 2011-ci il tarixində Bakı vaxtı ilə saat 20:26-da Çinin şimal-şərqində yerləşən Szilin vilayətində zəlzələ baş verib. Yeraltı təkanların gücü 6,1 bal təşkil edib. Çin Zəlzələ Administrasiyasının yaydığı məlumata əsasən, zəlzələnin episentri Xançun şəhərindən 80 km aralıda qeydə alınıb. Tələfat və dağıntı barədə məlumat verilmir. |
Rusiyada güclü yanğın baş verib Rusiyanın Çelyabinsk vilayətində 7 may 2011-ci il tarixində baş vermiş meşə yanğını məhdudlaşdırılıb. Alov ümumilikdə 900 hektar meşə sahəsini məhv edib. Yanğınla mübarizəyə xeyli sayda texnika və canlı qüvvə cəlb edilib. Hazırda yaxınlıqdakı yaşayış məntəqələri üçün təhlükə yoxdur.
|
Filippində qasırğa baş verib Son bir neçə gün ərzində Filippində çoxsaylı insan tələfatı ilə nəticələnən qasırğa baş verib. Güclü yağışlarla müşayiət olunan "Aere" tropik qasırğası ölkənin mərkəzində yerləşən bir neçə vilayətdə dağıntı, torpaq sürüşməsi və subasmaya səbəb olub. Nəticədə, 24 nəfər ölüb, 6 nəfər xəsarət alıb, 2 nəfər isə itkin düşmüş hesab olunur. Qasırğanın, təxminən, 210 min nəfərə zərər vurduğu bildirilir. Təhlükəsizlik tədbirləri çərçivəsində 6400 nəfər təxliyə olunub. Həmçinin, xeyli sayda avtomobil yolları və körpülərə, təxminən, 7200 hektar əkin sahəsinə ziyan dəyib. Mövcud vəziyyətlə əlaqədar Albay və Cənubi Kamarines vilayətlərində fövqəladə vəziyyət elan edilib. Baş vermiş təbiət hadisəsinin nəticələrinin aradan qaldırılması istiqamətində müvafiq işlər görülür. Günel Həbib |