İlin sonunadək bütün məktəblər internetə qoşulacaq

İlin sonunadək bütün məktəblər internetə qoşulacaq

5 Avqust 2013 12:19
570
Bəyəndim (0) Bəyənmədim (0)

Azərbaycanda "İnformasiya-kommunikasiya texnologiyaları ili" elan edilməsi ilə bağlı Rabitə və İnformasiya Texnologi¬yaları Nazirliyi (RİTN) ölkədə elektron təhsil həllərinin tətbiqinin genişləndirib. Oxumeni.az-ın RİTN-ə istinadən xəbər verir ki, bu sahədə aparılan işlərin bir istiqaməti kimi cari ilin sonuna qədər bütün məktəblərin internetlə əhatə olunması nəzərdə tutulur. Məktəblərin İKT ilə təminatı üzrə mövcud vəziyyətə gəlincə, Dövlət Statistika Komitəsinin məlumatına əsasən, 2012-ci ildə Azərbaycanda kompüteri olan məktəblərin sayı 3897, o cümlədən şəhər üzrə 1108, kənd üzrə 2789 olub.Kompüteri olan məktəblərin bütün məktəblərdə payı 87.2 faiz, o cümlədən şəhər üzrə 96.2 faiz, kənd üzrə 84.1 faiz təşkil edib. Orta hesabla bir kompüterə düşən şagirdlərin sayı ötən ildə ölkə üzrə 28, o cümlədən şəhər üzrə 26, kənd üzrə 31 nəfər olub.Telefonla təmin olunan məktəblərin bütün məktəblərdə payına gəlincə, ölkə üzrə bu göstərici 62.9 faiz, o cümlədən şəhər üzrə 84.5 faiz, kənd üzrə 55.4 faiz olub.
İnternetə çıxışı olan məktəblərin sayına gəlincə, belə məktəblərin sayı respublika üzrə 1884, o cümlədən şəhər üzrə 882, kənd üzrə 1002 olub.Beləliklə, internetə çıxışı olan məktəblərin bütün məktəblərdə payı respublika üzrə 48.3 faiz, o cümlədən şəhər üzrə 79.6 faiz, kənd üzrə 35.9 faiz təşkil edib.

O.M.