Gəncədə ana ilə oğlu itkin düşüb

Gəncədə ana ilə oğlu itkin düşüb

16 Aprel 2013 12:15
Bəyəndim (0) Bəyənmədim (0)

Gəncədə 25 yaşlı qadın azyaşlı uşağı ilə evdən çıxıb və bir daha geri qayıtmayıb. Gəncə şəhər Baş Polis İdarəsindən verilən məlumata görə, Gəncə şəhər sakini, 1958-ci il təvəllüdlü Dilşad Hüseynova Kəpəz rayon Polis İdarəsinə müraciət edərək 1988-ci il təvəllüdlü qızı Tərlan Hüseynova və onun 2008-ci il təvəllüdlü övladı Fərid İsayevin itkin düşdüyünü bildirib. O qeyd edib ki, qızı və nəvəsi 2 gün əvvəl evdən çıxıb və bir daha geri qayıtmayıb.

Məlumata görə, bir neçə gün bundan əvvəl başqa bir Gəncə sakini də itkin düşüb. 1984-cü il təvəllüdlü, əqli cəhətdən zəif olan Aygün Alıyeva evdən çıxaraq bir daha geri qayıtmayıb. Hər iki fakt üzrə Gəncə şəhər Baş Polis idarəsindən axtarış tədbirləri həyata keçirilir.

O.M.