Düşmən atəşkəsi pozmaqda davam edir

4 May 2011 11:35

Bəyəndim (0) Bəyənmədim (0)

Müdafiə Nazirliyinin mətbuat xidmətindən verilən məlumata görə, Ermənistan silahlı qüvvələrinin bölmələri mayın 3-də saat 13.00-dan 13.40-dək Goranboy rayonunun Tapqaraqoyunlu kəndi yaxınlığında yerləşən mövqelərdən Azərbaycan Silahlı Qüvvələrinin mövqelərini atəşə tutmuşlar.

Düşmən qüvvələri mayın 4-də də atəşkəs rejimini pozub. Belə ki, Ermənistan silahlıları mayın 4-də saat 00.10-dan 00.30-dək Füzuli rayonunun ərazisindəki adsız yüksəkliklərdə yerləşən mövqelərdən, saat 03.10-dan 03.15-dək və 03.12-dən 03.14-dək Ağdam rayonunun Mərzili və Yusifcanlı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Düşmən cavab atəşi ilə susdurulmuşdur, itki yoxdur.