Azərbaycanda növbəti Sosial Yeniliklər Düşərgəsi təşkil ediləcək
AzərTAc Praqada yerləşən "Transitions" təşkilatının press-relizinə
istinadla xəbər verir ki, bu il iyul ayında Azərbaycanda növbəti Sosial Yeniliklər
Düşərgəsi (SXD) təşkil ediləcəkdir. "Transitions" internet və mobil telefon
sahəsində iş təcrübəsi olan gəncləri həmin Düşərgədə iştirak etməyə dəvət edir.
SXD-nin məqsədi internetlə bağlı ən yaxşı ideyaları üzə çıxarmaq və onların
reallaşdırılmasını maliyyələşdirməkdir.
Sosial Yeniliklər Düşərgəsi əhalinin sosial problemlərini həll etmək məqsədilə yaradılmış
internet layihəsidir. Düşərgə barədə daha ətraflı məlumat almaq üçün bu ünvana
istinad edə bilərsiniz: http://2.syd-az.net/SYD-nedir. SXD-nin əsas məqsədi
cəmiyyətin sosial problemlərini həll etməyə imkan verən orijinal layihələri
aşkar etmək və maliyyələşdirməkdir. Tədbirin təşkilatçıları ideya müəlliflərinə
kömək etmək və onlarla eyni komandada işləmək imkanına malik olan insanları
tapmaqla ən yaxşı ideyaların həyata keçirilməsi üçün şərait yaradacaqlar.
SXD-də iki formada iştirak etmək mümkündür:
1. İdeya müəllifləri layihənin saytında
(http://2.syd-az.net/ideyanizi-gonderin) qeydiyyata alınmalıdırlar. İdeyalar
müəyyən meyarlara uyğun olmalıdır. Həmin meyarlarla aşağıdakı saytda tanış
olmaq mümkündür: http://2.syd-az.net/ideyalar-nece-olmalidir.
2. Öz ideyası olmayan, lakin başqa iştirakçıların ideyalarını həyata keçirmək
imkanı olan şəxslər üçün xüsusi səhifə yaradılmışdır: http://2.syd-az.net/istirakci-kimi-muraciet-edin.
Bu səhifədə son qeydiyyat tarixi iyunun 25-dir.
SXD layihələrini əcnəbi ekspertlər qiymətləndirəcəklər.
Başqa şəhərlərdən gələn iştirakçıların yaşayış, yemək və nəqliyyat xərcləri
müvafiq çeklər və biletlər təqdim edilmək şərtilə təşkilatçılar tərəfindən
ödəniləcəkdir.
Xatırladaq ki, indiyə qədər buna oxşar düşərgələr Böyük Britaniya, Avstraliya,
Slovakiya, Koreya, Çexiya, Gürcüstan və Nigeriyada təşkil edilmişdir.
Azərbaycanda bu layihə ilk dəfə "Transitions" təşkilatı tərəfindən keçən il
sentyabrın 18-19-da həyata keçirilmişdir.
Əlaqə ünvanları: www.syd-az.net, http://twitter.com/syd_az_net,
http://www.facebook.com/group.php?gid=146963008648912, [email protected].
O.M.