Bu gün yağış yağacaq

Bu gün yağış yağacaq

13 Fevral 2013 09:57
494
Bəyəndim (0) Bəyənmədim (0)
Fevralın 13-də Azərbaycan ərazisində hava şəraiti haqqında məlumat

Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağış yağacağı, günün ikinci yarısında tədricən kəsiləcəyi gözlənilir.Temperatur gecə 3-5° isti, gündüz 5-8° isti olacaq.
Bakıda gecə 3-5° isti, gündüz 5-7° isti olacağı gözlənilir. Atmosfer təzyiqi 763 millimetr civə sütunundan 767 millimetr civə sütununa yüksələcək, nisbi rütubət 85-95 faiz təşkil edəcək.
Naxçıvan Muxtar Respublikasında havanın yağıntılı olacağı, sulu qar, dağlıq ərazilərdə qar yağacağı gözlənilir. Gündüz tədricən kəsiləcək.
Temperaturun gecə 0-5° şaxta, gündüz 2-7° isti olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonlarında sulu qar, qar yağacağı gözlənilir. Axşama doğru tədricən kəsiləcək. Temperatur gecə 0-5° şaxta, gündüz 1-6° isti olacağı gözlənilir.
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında yağış, dağlıq ərazilərdə sulu qar yağacağı, gündüz tədricən kəsiləcəyi gözlənilir.
Temperaturun gecə 0-4° isti, gündüz 5-10° isti olacağı gözlənilir.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında sulu qar, qar yağacağı gözlənilir. Ayrı-ayrı yerlərdə duman olacaq. Temperatur gecə 2° şaxtadan 3°-dək isti, gündüz 3-6° isti, dağlarda gecə 3-7° şaxta, yüksək dağlıq ərazilərdə 7-10° şaxta, gündüz 3° şaxtadan 2°-dək isti olacaq.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında yağış yağacağı gözlənilir. Axşama doğru tədricən kəsiləcək. Temperatur gecə 1-6° isti, gündüz 6-11° isti olacaq.
Masallı-Lənkəran-Astara-Lerik və Yardımlı rayonlarında yağış yağacağı gözlənilir. Səhər dağlarda duman olacaq. Temperaturun gecə 4-7° isti, gündüz 7-11° isti, dağlarda gecə 1° şaxtadan 4°-dək isti, gündüz 4-7° isti olacağı gözlənilir.

O.M.