Bu gün səhər saatlarında şəhid olmuş Azərbaycan ordusunun əsgəri dəfn edildi

Bu gün səhər saatlarında şəhid olmuş Azərbaycan ordusunun əsgəri dəfn edildi

6 Fevral 2013 11:21
1 019
Bəyəndim (0) Bəyənmədim (0)
O, hərbi xidmətini döyüş bölgəsində keçirməyi arzu edirmiş

Bu gün səhər saatlarında şəhid olmuş Azərbaycan ordusunun əsgəri 19 yaşlı Sənan Dövlət oğlu Əlizadənin doğulduğu Cəlilabad rayon Alar kəndinə gətirilib. Oxumeni.az-ın verdiyi məlumata görə, daha sonra şəhidin Azərbaycan bayrağına bükülmüş cənazəsi Sənanın xidmət etdiyi hərbi hissənin əsgər və zabitlərinin müşayətilə doğulduğu Cəlilabad rayonunda Alar kənd qəbiristanlığında dəfn edilib.

Şəhidin yaxınlarının sözlərinə görə, Sənan ordu sıralarına hələ çağırılmamış gələcək hərbi xidmətini döyüş bölgəsində keçirməyi arzu edirmiş. Elə onun bu arzusu Sənanı şəhidlik zirvəsinə ucaltdı. Qeyd edək ki, Sənan Əlizadə və Azərbaycan ordusunun digər bir zabiti, leytenant Tural Nadir oğlu Əsgərov dünən Xocavənd rayonunun Kuropatkino kəndi yaxınlığında Ermənistan silahlı birləşmələrinin atəşkəsi pozması nəticəsində şəhid olublar.

Allah rəhmət eləsin!

O.M.