Atlantik okeanında qara qutu tapılıb
Rusiyanın "Lenta.ru" saytının verdiyi məlumata görə, Atlantik
okeanında "Airbus France"-a məxsus qara qutu tapılıb. Atlantik
okeanda aparılan araşdırmalar nəticəsində mütəxəssislər "Airbus France -
A330-200" təyyarəsinin qara qutularından birini tapa biliblər. Xatırladaq
ki, 2009 - cu ildə Rio- de-Janeyrodan Fransaya uçan A330 - 200 təyyarəsi
Atlantik okeanı üzərində qəzaya uğramış və onun qara qutularını tapmaq mümkün
olmamışdı. Hadisə nəticəsində təyyarədə olan 228 sərnişinin hamısı həlak
olmuşdu. Qeyd edək ki, hazırda təyyarənin ikinci qara qutusunun axtarışı
aparılır.
Qara qutu bəzi qaranlıq mətləblərə aydınlıq gətirəcək...
Elvin Babayev
O.M.
Digər xəbərlər